Plantun de Prouvènço

Pèr coumpara dos planto d'encò nostre

Juncus striatus & Rhododendron ferrugineum

Juncus striatus

Juncaceae

Nom en français : Jonc strié.

Descripcioun :
Lou jounc-rega trachis en ribo de ribiero, dins li mueio e li pelouso bagnado. Fai un pau pensa au jounc-nousa, Juncus articulatus, subretout la meno emé de gròssi tèsto. Pamens se recounèis à si cambo e fueio regado (fotò), si tepalo e soun boursèu mai lounginèu, e peréu si grano pu longo e mens plato.

Usanço :
Couneissèn pas d'usanço particuliero pèr aquelo planto. Escriéure au site se n'en sabès mai.

Port : Erbo
Taio : 15 à 60 cm
Fueio : costo paralèlo
Tipe bioulougico : Emicriptoufite
Cicle bioulougico : Planto renadivo

Gènre : Juncus
Famiho : Juncaceae

Ordre : Poales

Coulour de la flour : Verdo
Petalo : 6
Ø (o loungour) flour : 4 mm
Flourido : Printèms - Estiéu

Sòu : Si (Ca)
Autour basso e auto : 0 à 400 m
Aparado : Noun
Mai à avoust

Liò : Ribiero - Mueio - Pelouso bagnado
Estànci : Termoumediterran à Subremediterran
Couroulougi : Mediterranenco-Atlantico
Ref. sc. : Juncus striatus Schousb. ex E.Mey., 1822

Rousage

Rhododendron ferrugineum

Ericaceae

Àutri noum : Bourgenc, Rousàgi, Labruìssa, Bouis-fèr.

Noms en français : Rhododendron ferrugineux, Laurier-rose des Alpes.

Descripcioun :
Lou rousage, apela peréu bourgenc pèr li gavot, es un aubret que vèn bèn sus li terraire safrous de mountagno i raro di darriés aubre. I'a pas pèr s'engana.

Usanço :
Es uno planto empouisounanto pèr l'ome coume li bèsti (fedo, cabro, abiho..). Li fueio secado fan susa, pissa, luchon contro lou mau d'os e proun enca. Li flour soun emplegado en Souisso pèr alesti la "tisano dóu maien", emé de flour d'erbo-de-la-pato, de pensèio-dis-Aup e peréu de brout de serento.